Die harde klanke soveel beter na ons instelling. Kan lekker gesprekke volg. Die groot Partners for Possibility sessie bygewoon en vir twee ure lank na etlike toesprake oor luidsprekers luister en kon dit mooi volg.
Bekende mense se stemme werk al lekker, alhoewel alles nog blikkerig klink.
Het die lang vorm ingevul oor vele klanke gehoor en kon eintlik by amper alles "ja!" antwoord. Van voetstappe tot verby gaande Harley Davidsons!
Donderdag het ons toe by Tygerberg verder gewerk en sy het weer met aandag en empatie die toets en verstellings gedoen. Weg met 'n dik pak huiswerk wat langs sinne vervat om te hoor en weer te herhaal. Die evaluering van die apparaat se gebuik oor tien dae wys twaalf ure per dag. Daar is egter lang stiltes, werk maar heeldag voor die rekenaar. Sal nou 'n blêrende radio iewers aan sit. Die sessies is moeilik en vermoeiend. Haar sagte benadering maak egter op vir alles ...
Donderdag ook Toastmasters en weer as evalueerder geboek. Al sestien jaar lid. Het 'n dikbekkie introvert geleer om skares toe te spreek sonder om te bloos. Seker al twee honderd geevalueerde toesprake hier gedoen. Dit het gelei tot gradedagtoesprake, en dosyne korporatiewe aanbiedings plus twaalf jaar lank MBA lektor poste. Dis jou wonderlikste persoonlike geskenk, doen dit nou!
Jy het 'n hele vorm om in te vul van 'n toespraak van 'n lid en moet dan voor almal gaan staan en die evaluering gee. Geen uitkomkans en die perfekte leer skool. Dit gebeur twee keer per maand. Toe heel agter so twintig meter van die podium gaan sit om enige liplees te vermy. Daar is geen luidsprekers.
Jy het 'n hele vorm om in te vul van 'n toespraak van 'n lid en moet dan voor almal gaan staan en die evaluering gee. Geen uitkomkans en die perfekte leer skool. Dit gebeur twee keer per maand. Toe heel agter so twintig meter van die podium gaan sit om enige liplees te vermy. Daar is geen luidsprekers.
So veertig lede en besoekers het luidrugtig gekom, glase vol wyn om die lawaai aan te vuur. Afrikaans en sy verskeie vorme (Noordelike Voorstede, Vlakte, Weskus en Transvaals), Xhosa, plaaslike Engelse plus ene met 'n Oxford aksent. Drie Duitsers. Almal moet Engels praat en woeste aksente. 'n Nagmerrie!
Ons gaan deur die program en is evalueerder van 'n voorbereide toespraak. Afrikaanse ou. Moet alles evalueer, op 'n vorm invul en dan 'n twee minute evaluerings verslag voor almal verkondig.
Dit het heerlik gewerk!! Dis grootste toets van dat ons op 'n suksesvolle pad is.
Dan die Gym, hier is dit groot lawaai en meestal weinig wol. Luide ritmiese musiek met gure en ongure karakters wat hop, trek, slaan en belangrik probeer lyk. Darem gewone ouens ook wat stil bly en trap of draf. Hier gaan dit oor diversiteit van klank en om die irretasie te kan hanteer. Ons kom al reg!
Die grootste uitdaging nou is om die kleintjies mooi te kan volg. Duvan, Mathys en Ingke (op die foto) werk al mooi want hulle praat stadig. Grethe en Rethe wat vinnig en baie praat sal seker nog tyd neem!
Grethe (7) kan lekker lees en sy sal die leeueaandeel van die lees, hoor en herhaal oefening moet hanteer. Sies tog!
En Sondag met Deon Meyer se "Seun". Hier was onderskrifte, maar as jy diep in jou stoel sit kan jy dit uitsny. Kon ook die draad mooi volg.
Ons werk saam deur die lang lys luister en herhaal. Struikel hier en daar, maar dit werk oor die algemeen.
No comments:
Post a Comment