Genooi om na Ernest en Young se jong outjies te gaan mee praat oor kommunikasie. Donderdag net na werk. Dit word deur hulle Toastmasters klub
gedoen.
Baie maatskappye doen dit so. Sanlam, Telkom, WNNR, Visa, Reserwe Bank ...
Moet dan ook die volledige evaluasie van 'n lid se finale toespraak doen. Die ou kry dan vyftien minute waar alles moet bymekaar kom. Tipies neem dit so twee jaar om hierby uit te kom. Nagmerrie!
Die persoon moet die gehoor inspireer en veral emosies en behoeftes uitlig deur stories, drama en aanhalings te gebruik. Die evalueerder moet dan in 2-3 minute dit in 'n netjiese aanbieding voor almal terugvoer gee, wel foute uitlig, maar veral die persoon goed laat voel en lus om verder te gaan.
Jy moet kyk na die onderwerp, begrip vir emosie, positiewe aanslag, storie gebruik, beelde bou, lyftaal en inspirerend wees. In kort, hier moet jy perfek kan luister ...
***
Ons oom sterf vreedsaam. 93 Jaar oud en 'n sagmoedige mens wat ons so sal onthou. Uniek vir 'n prokureur!
Die kerk sit vol mense en die dominee praat stadig met spasies tussen die woorde. Kan hom en sy seun, ook 'n dominee, se huldeblyke mooi volg.
Toe kom die uitdaging met tee-en-koekies na die tyd. Almal bymekaar, vriende, kinders, kleinkinders en agterkleinkinders. Almal praat tegelyk en bekendes en vreemdes kom om te kom groet en uit te vra.
***
Dit was altyd die grootste nagmerrie, maar tog kon dit werk en ons kon ander kant mooi uitkom. Heerlike toets!
Elke dag sit ons met die leeslys en die dineg van ene Meneer Botha. Sy lees en ek herhaal. Dit lyk asof dit werk. nou ook dit in Engels doen.
No comments:
Post a Comment